Hijrat

Hum ko Hijrat mili virasat main
khush rahain ghair ki rafakat main
chin gayee hum say sab mata e watan
khud bhi kho jayeen gay is aadat main

Thay watan main bhi bay watan hum log
lakh kartay koi jatan hum log
gar ghulami pay chekhtay ziada
murda sartay thay bay kafan hum log

Dekh to kitnay gunah gaar howay
zinda rehnay kay talab gaar howay
jo bachay baki is kharabay main
sab nisar e saleeb o daar howay

Kuch ko raas ayee bay wafai hay
Kuch nay apnoon say chot khai hay
jis nay apna zameer baich diya
us ki kismat main shehan sahi hay

Kuch nay apni muhabtain baicheen
Umar bhar ki rafaktain baicheen
chand maadi zaroortoon kay liya
rooh pay kanda sadaktain baicheen

Jo bhi hak baat ka dewana tha
us ka maktal main hi thikana tha
jo bhi parta watan kay chakar main
us ki kismat main jail jana tha

Hum ko tha zindagi say pyar buhat
Kam watan main tha rooz gar buhat
is liya desh chor aye hain
dil agarchay tha soog waar buhat