Okay, i admit the comparison was intended for Rahul_Capri originally, but what gives?...

Found these nazms by Faiz and Saahir on a remarkably similar tone, thought I should share them here. The one by Faiz is quite popular actually, but Saahir too has done a great job indeed:

Pehli si muhabbat (Faiz Ahmed Fiaz)

Mujh se pehli si muhabbaT meri mehboob na maaNg
meiN ne samjha tha ke Tu hai Tau darakhshaaN hai hayaaT
Tera ghum hai Tau gham-i-Dehr ka jhagRa kia hai
Teri suuraT say hai aalam meiN baharoN ko sabaaT
Teri aankhoN kay siva dunya meiN rakkha kia hai
Tu jo mil jaey Tau Taqdeer niguuN ho jaey
Yuun na tha meiN ne faqaT chaaha tha yuuN ho jaey
aur bhi dukh heiN zamanay meiN muhabbaT kay siva
raahaTeiN aur bhi heiN wasl ki raahaT ke siva

Mujh se pehli si muhabbaT meri mehboob na maaNg

an-ginaT saDyoN kay Taareek baheemana Talism
resham-o-aTlas-o-kamkhwab meiN bunvaaey huay
jaa-ba-jaa bikTay huay koocha-o-baazaar meiN jism
khaak meiN lithRay huay khoon meiN nehlaaey huay
jism niklay huay amraz ke TanDuuroN se
peep behti hui galTay huay naa-suuroN se
laut jaaTi hai udhar ko bhi nazar kya keejay
ab bhi Dilkash hai Tera husn magar kya keejay
aur bhi dukh heiN zamanay meiN muhabbaT ke siva
raahaTeiN aur bhi heiN wasl ki raahaT ke siva

Mujh se pehli si muhabbaT meri mehboob na maaNg


Mujhay sochnay De (Saahir Ludhyaanvi)

Meri nakaam muhabbaT ki kahani maT chhaiR
apni mayoos umaNgoN ka fasaana na suna
zindagi Talkh sahi, zehr sahi, siTam hi sahi
DarD-o-aazer hi sahi, jabr sahi, ghum hi sahi
lekin is dard-o-gham-o-jabr ki wus’at ko Tau dekh
zulm ki chhaoN meiN Dum TauRTi khalqaT ko Tau dekh
apni mayoos umaNgoN ka fasaana na suna
meri nakaam muhabbaT ki kahani mat chhaiR!

jalsa-gaahoN meiN ye dehshaT-zaDa sehmay aNbooh
reh-guzaaroN pe falaaqaT zada logoN ke geroah
bhook aur peyaas se pusmurda seyah-faam zameeN
Teera-o-Taar makaN, muflis-o-beemar makeeN
noa-i-insaaN meiN ye sermaya-o-mehnaT ka Tazaad
amn-o-Tehzeeb ke percham Talay qaumoN ka fasaad
her Taraf aaTish-o-aahan ka ye sailaab-i-azeem
niT naey Tarz pe hoTi hui dunya Taqseem
lehlahaTay huay kheitoN pe jawani ka samaaN
aur dehqaan kay chhappaR meiN na baTTi na dhuaN
ye falak-boas milaiN, dilkash-o-seemeeN baazaar
ye ghalazat ye jhapatTay huay bhookay baazaar
Door saahil pe wo shaffaaf makanoN ki qaTaar
serseraatay huay perdauN meiN simat-tay gulzar
der-o-deewar pe anwaar ka seilaab-i-rawaaN
jaisay ik shayar-i-maDhosh ke khawabon ka jahaaN
ye sabhi kyuN hai ye kia hai mujhay kuchh sochnay De
kaun insaaN ka khuda hai mujhay kuchh sochnay De
apni maayoos umaNgon ka fasaana na suna
meri naakaam muhabbat ki kahani maT chhaiR!


PS. I still find Faiz’s work much more intense and touching as compared to Saahir’s - or for that matter - to anyone else’s!