sarkaar ! ab junuN ki hai sarkaar kuch suna
haiN bund saray shehr ke bazaar kuch suna

shahr-e-qalandaraN ka hua hai ajeeb taur
sub haiN jahaN panah se bezaar kuch suna

masroof koi kaatib-e-ghaibi hai roz-o-shab
kya hai bhala navishta-e-diwaar kuch suna

asaar ab ye haiN ke gareeban-e-shah say
uljheN ge haath bur sar-e-darbaar kuch suna

ahl-e-sitam se morka aara hai ik hujoom
jiss ko nahiN mila koi sardaar kuch suna

khooniN dilaan-e-marhala-e-imtehaN ne aaj
kya tamkanat dikhaee sar-e-daar kuch suna

kya log thay ke rung bichaatay chalay gaye
raftaar thi ke khoon ki ruftaar kuch suna


...and i would end with a hasb-e-haal qitaa...

her tunz kiya jaay, her ikk ta’ana diya jaay
kuch bhi ho per ab hadd-e-adab mein na raha jaay
taareekh ne qaumoN ko diya hai yehi paighaam
haq maangna tauheen hai haq cheen liya jaay