Sitaron say karain batain...

Chalo aao,
Sitaron say karain batain,
Kahin to jaagti raatain betain hum,
Sitaron ko batain hum,
Keh hum ek doosray ko,
Sochnay may, chahnay may,
Neend ko naraz kar betay,
Sitam yeh hay keh hum,
Ek doosray say door hain,
Majboor hain,
Naraz bhi to hain,
Magar apni ana kay khol may paband,
Chahat ko labon par la nahi saktay,
Yahi dar hay kahin is khamshi may,
Chup ki nagri may,
Mohabbat toot na jaey,
Yahi behtar hay koi darmian bhi ho,
Jo salis ho, hamari dastan sun lay,
Sitaron say ziada mautabir koi nahi hoga,
Sitaray roshni, ummeed ka pegham hain,
jao teri sargoshion kay muntazir hain,
Or meri jaagti raton kay saathi hain.